Мбаппе Чемпионлар лигаси бош соврини ва "Олтин тўп" ўртасида танлов қилди

«Реал» клубининг юлдуз ҳужумчиси Килиан Мбаппе «Олтин тўп» масаласида ўз фикрини очиқ айтди. Унинг таъкидлашича, у бу мукофотга муносиб ва овоз бериш имкони бўлса, ўзини ўзи қўллаб-қувватлашдан ҳам тоймайди. 

Шу билан бирга, француз футболчиси шахсий ютуқларини жамоа манфаатларидан устун қўймаслигини қайд этди. Бу ҳақда у «Реал»нинг Чемпионлар лигасидаги муваффақиятли дебютидан сўнг гапирди.

«Мен учун «Реал» билан Чемпионлар лигасида ғолиб чиқиш «Олтин тўп»ни қўлга киритишдан ҳам муҳимроқ», – дея Мбаппенинг сўзларини келтиради The Touchline нашри.

Эслатиб ўтамиз, «Реал» ўз майдонида, «Сантьяго Бернабеу»да «Интер» устидан 2:1 ҳисобида ғалаба қозонди. Мадрид клуби таркибидаги голларга Килиан Мбаппе ва Федерико Вальверде муаллифлик қилди. «Интер» сафида ягона голни Карлос Аугусто урди.