Мбаппе Дешам билан бўлган можаро ҳақида: "Ҳар бир иш жойида ҳамкасблар билан келишмовчиликлар бўлади"

"Реал Мадрид" Килиан Мбаппе Франция терма жамоасига икки йиғинни ўтказиб юборган ҳолда, қайтди. Танаффус вақтида жамоа бош мураббийи Дидье Дешам билан можаро бўлганини инкор қилди.

"Агар биз уришган бўлсак, мен унинг қўнғироқларига жавоб бермаган бўлардим. Ҳамма мени яхши билади. Агар ким биландир жанжаллашган бўлсам, у билан алоқада бўлмайман – мен ўзимни алдаб яшай олмайман. Бу эса муносабатларда ҳеч қачон келишмовчилик бўлмайди дегани эмас. Улар рўй бериши мумкин, ҳатто мен буни хоҳламасам ҳам.



Мен ҳар доим мураббийга ҳурмат ва миннатдорчилик билан қараганман. У Франция терма жамоасидаги ягона мураббийим бўлган ва менга илк бор ўйнаш имкониятини берган. Биз бирга ютуқларга эришдик, шунинг учун бир-икки арзимас келишмовчилик бизнинг муносабатларимизга путур етказмайди.

Бу ҳеч қандай сир эмас, шунчаки одамлар билиши шарт бўлмаган тафовутлар. Ҳар қандай иш жойида ҳамкасблар ўртасида келишмовчиликлар бўлиши мумкин, лекин бу уларни ёмон кўраман ёки ҳурмат қилмайман дегани эмас", – деди Мбаппе "Le Parisien" нашрига берган интервьюсида.