Мбаппе: Энди бирортанг пенальти тепмайсан!

“Реал”да асосий пенальтичи этиб белгиланган Килиан Мбаппе энди бирорта жамоадошига 11 метрлик белгидан зарба йўллаш имкониятини бермайдиган бўлди.

Фақатгина “Қироллик клуби” йирик ҳисобда олдинга чиқиб олган ўйинларда истисно тариқасида бошқа футболчи пенальтини ижро қилиши мумкин. Бу ҳақида The Athletic нашри маълумот тарқатди.

Манбага кўра, франциялик юлдуз “Валенсия” билан бўлган учрашувда Винисиус Жуниор пенальтидан фойдалана олмаганидан кейин шу қарорга келган. Мбаппе ўзи иккита тўп киритганидан кейин бразилиялик жамоадошига 11 метрдан зарба бериш имкониятини тақдим қилганди.

Винисиус ўзи тўп кирита олмагани етмаганидек, Ла Лига тўпурарлиги учун курашаётган жамоадоши Килиан Мбаппени хет-трик қилиш имкониятидан ҳам айирди.