Мбаппе ҳеч ким қилмаган ишни уддалади

Мадриднинг “Реал” жамоаси ҳужумчиси Килиан Мбаппе Чемпионлар лигаси чорак финали жавоб ўйинида “Бавария”га қарши сафар учрашувида гол урди.

Шу тариқа, француз футболчиси бир мавсумда Еврокубоклар доирасида 10 та сафар ўйинида тўп киритган тарихдаги биринчи ўйинчига айланди.

Бу ҳақда Opta хабар бермоқда.

Килиан Мбаппе қитъанинг энг нуфузли мусобақаси давомида рақиб майдонидаги баҳсларда “Қайрат”га учта, “Олимпиакос”га тўртта, “Бенфика”га иккита гол урган.

Умуман олганда эса, Мбаппе Чемпионлар лигаси жорий мавсумида 11 та учрашувда иштирок этиб, рақиблар дарвозасини жами 15 маротаба ишғол қилди.