Мбаппе ЖЧ-2026 олдидан Франция терма жамоасига чақирувга муносабат билдирди

"Реал" ҳужумчиси Килиан Мбаппе Жаҳон чемпионати-2026 учун Франция миллий жамоаси қайдномасига киритилганидан сўнг ижтимоий тармоқларда пост қолдирди.

Футболчи болалигидаги миллий жамоа формасидаги суратлари ҳамда 2018 ва 2022 йилги мундиаллардаги кадрларни эълон қилди. Маълумки, 2018 йил Россияда Франция жаҳон чемпиони бўлган, 2022 йил Қатарда эса кумуш медални қўлга киритган.

"Жаҳон чемпионати, 3-қисм. Мен яна бир бор мамлакатимни энг йирик мусобақада намойиш этишдан чексиз фахрланаман.

Биз сизларнинг ишончингизни оқлашга ҳаракат қиламиз", — деб ёзди Мбаппе.

Эслатиб ўтамиз, ЖЧ-2026 мусобақаси 11 июндан 19 июлга қадар АҚШ, Канада ва Мексикада бўлиб ўтади.