Мбаппе менга “Атлетико”га ўтишини айтди!

Мадрид шаҳри мэри Хосе Луис Мартинес-Алмейда журналистларнинг “Реал”га ПСЖ ҳужумчиси Килиан Мбаппе келиши мумкинлиги ҳақидаги саволига ҳазил билан жавоб берди.

Мбаппени шаҳримизга келишини айтяпсизми? Килиан менга “Атлетико”га ўтаётганини айтди, - деди Хосе Луис Мартинес-Алмейда.

Килиан Мбаппе ҳали қайси жамоани танлаганини ошкор қилгани йўқ. ПСЖ катта маош эвазига ўз ҳужумчисини ушлаб қолмоқчи. "Реал" варианти эса Чемпионлар лигасида ғолиб чиқиш имкониятининг юқорилиги билан Мбаппени ўзига жалб этмоқда.

23 ёшли ҳужумчи ҳали Европанинг энг нуфузли турнирида ғолиб чиқмаган. Кўпчилик маҳоратли тўпурар аслида “Қироллик клуби”ни танлаб бўлганини таъкидламоқда.