Мбаппе нега гол ура олмаётгани сабаби топилди

“Реал”нинг янги юлдузи Килиан Мбаппе самарадорлиги тушиб бораётгани боис кўп танқидларга дучор бўлмоқда.

Франциялик ҳужумчи Чемпионлар лигаси доирасида “Милан”га қарши ўтказилган учрашувда ҳам қулай вазиятларни қўлдан чиқарди ва майдонни яна қуруқ тарк этди.

“Қироллик клуби” директори Эмилио Бутрагеньо Килиан Мбаппенинг нега гол ура олмаётганига қуйидагича изоҳ берди.

- Мбаппеда ҳар бир учрашувда яққол гол урадиган вазиятлар бўляпти. Ҳужумчининг бундай имкониятларга эга бўлиши яхшилик белгиси. Лекин Килианга ҳужумчилар учун муҳим аҳамиятга эга бўлган омад етишмаяпти холос.

Мбаппеда “Барселона” билан ўйинда ҳам гол уриш имкони бўлганди. Аммо футболда шунақаси ҳам бўлиб туради.

Килиан жаҳон даражасидаги футболчи ва тез орада у яна рақиблар дарвозасини ишғол қила бошлайди, - деди Эмилио Бутрагеньо.

Мбаппе ёзда “Реал”га ўтганидан бери барча турнирларда 15 та учрашув ўтказиб, ўз ҳисобига саккизта гол ва иккита голли узатма расмийлаштирди.