Мбаппе "Олтин бутса" учун курашда учликка кирди
"Реал Мадрид" ҳужумчиси Килиан Мбаппе "Олтин бутса" учун курашда кучли учликка кирди. У "Барселона"га қарши ўйинда (3:4) хет-трик қайд этгач, унинг умумий очколари сони 54 тани ташкил этди. Ла Лигада ҳар бир гол учун футболчига 2 очкодан берилади.
Ҳозирча биринчи ўринда "Спортинг" форварди Виктор Дьёкереш турибди — у Португалия чемпионатида 38 гол билан 57 очко тўплаган. Иккинчи поғонада "Ливерпуль" вингери Муҳаммад Салоҳ — 28 гол ва 56 очко.
Топ-5 рўйхатини Роберт Левандовски ("Барселона") ва Харри Кейн ("Бавария") якунлаб турибди — ҳар иккиси 25 тадан гол уриб, 50 очкодан жамғарган.
Маълумот учун, "Олтин бутса" УЕФАга аъзо миллий чемпионатлар тўпурарларига берилади.
Фикрлар