Мбаппе осиёлик футболчига махсус совға берди (фото)

“Пари Сен-Жермен” ҳужумчиси Килиан Мбаппе Япония терма жамоаси собиқ юлдузи Хидетоши Наката билан учрашди.

Машҳур футболчи япониялик ҳамкасбига ўзининг 7-рақам туширилган футболкасини совға қилди.

Айни пайтда парижликлар Япония бўйлаб турне ўтказмоқда. ПСЖ кунчиқар юрт жамоалари билан ўртоқлик учрашувларида ҳам майдонга тушмоқда. Хусусан, “Кавасаки Фронтале” билан бўлган баҳсда Кристоф Галтье шогирдлари Лионель Месси ва Арно Калимуэндо голлари эвазига 2:1 ҳисобида зафар қучди.

45 ёшли Хидетоши Наката Европада муваффақиятли тўп тепган осиёлик футболчилардан ҳисобланади. У фаолияти давомида А Сериянинг “Перуджа”, “Рома”, “Парма”, “Болонья” ва “Фиорентина” ва Англия премьер-лигасида “Болтон” клублари шарафини ҳимоя қилган.