Мбаппе: "Пойтахтга барча совринларни олиб келишга қатъий қарор қилдим"

Франция терма жамоаси ва "ПСЖ" ҳужумчиси Килиан Мбаппе Лига 1нинг 16-тури доирасидаги "Страсбург"га қарши ўйиндаги ғалабадан сўнг (2:1) фикр билдирди. Ушбу учрашувда франциялик футболчи қўшиб берилган 6-дақиқада ғалаба тўпини киритди.

"Кеча менинг ҳолатим оддий эди - терма жамоа қандай натижа кўрсатишидан қатъи назар, "ПСЖ"га бор эътиборимни қаратаман. Мен барча совринларни пойтахтга олиб келишга қатъий қарор қилдим", - деди Мбаппе "GFFN" нашрига.

Эслатиб ўтамиз, Франция терма жамоаси билан Мбаппе ЖЧ-2022 финалига чиқди ва у ерда Аргентинага ютқазди (3:3, пенальтилар - 2:4). Финал баҳсида франциялик футболчи хет-трик қайд этди.

Айни дам "ПСЖ" Лига 1 турнир жадвалида 16 турдан кейин 44 очко билан пешқадамлик қилмоқда. Франция чемпионатининг 17-тури доирасидаги навбатдаги ўйинни парижликлар 2023 йил 1 январь куни "Ленс"га қарши ўтказишади.