Мбаппе ПСЖ президентига нега раҳмат айтди?

Франциялик ҳужумчи Килиан Мбаппе ПСЖ билан шартномасини узайтиргани ҳақида ўз фикрларини билдириб ўтди.

"Мен ПСЖ билан шартномамни узайтиришга қарор қилганимни эълон қилмоқчиман ва мен бундан жуда хурсандман. Ишончим комилки, мен бу ерда ўсишда давом эта оламан, бу клуб менга энг юқори даражада ўйнашим учун барча имкониятларни беради.

Мен ҳам ўзим туғилиб ўсган юрт – Францияда ўсишда давом этишимдан жуда хурсандман.

Шу ўринда клуб президенти Носир Ал-Хелайфийга мени тушуниши, билдирган ишончи ва сабри учун миннатдорчилик билдирмоқчиман. Шунингдек, мен Париж Сен-Жерменнинг барча мухлислари ва уларнинг меҳр-муҳаббатларини унутмайман. Биз ақл бовар қилмайдиган вазифаларни биргаликда, бирлашган ҳолда бажарамиз”, - деди Мбаппе.

Эслатиб ўтамиз, Мбаппе Париж клуби билан амалдаги шартномасини 2025 йилга қадар узайтирди