Мбаппе ПСЖдан кетадиган бўлса, унинг ўрнини ким эгаллаши маълум

ПСЖ Дортмунднинг "Боруссия" клуби ярим ҳимоячиси Жуд Беллингемни кузатмоқда.

"АS" нашри хабарига кўра, парижликлар ҳужумчи Килиан Мбаппе жамоани тарк этиши мумкинлиги сабабли 19 ёшли футболчи учун курашга қўшилди. Манбага кўра, агар юлдуз Мбаппе ёзда  жамоани тарк этадиган бўлса, у ҳолда пойтахт клуби Беллингемни сотиб олиш учун бор кучини сарфлайди.

2022/23 йилги мавсумда футболчи барча мусобақаларда 36 та ўйинда майдонга тушиб, 10 та гол ва 7 та самарали узатмага муаллифлик қилган. Англиялик хавбекнинг “асаларилар” билан шартномаси 2025 йилнинг ёзига қадар амал қилади. Футболчининг трансфер нархи 120 миллион еврога баҳоланмоқда.