Мбаппе ПСЖнинг асосий мақсади ҳақида гапирди

ПСЖ ҳужумчиси Килиан Мбаппе келаси мавсумдаги мақсадлари ҳақида гапирди. Ҳужумчи Чемпионлар лигасида ғалаба қозонишни ва Париж клуби тарихидаги энг яхши тўпурар бўлишни хоҳлашини айтди.

“Чемпионлар лигаси – асосий мақсад. Биз кейинги мавсум бу совринни қўлга киритиш учун боримизни берамиз. Олдинда узоқ ва машаққатли йўл кутаётганини яхши биламиз. Шунингдек, ПСЖ тарихидаги энг яхши тўпурар бўлишни ҳам истардим. Ўйлайманки, бу яқин вақт ичида содир бўлади. Агар буни уддалай олсам, ақлбовар қилмайдиган натижа бўларди”, - деди француз форвардининг сўзларини келтиради BFM нашри.

Эслатиб ўтамиз, Мбаппе яқинда ПСЖ билан шартномасини уч йилга узайтирган эди.