Мбаппе "Реал"ни танлайдими ёки Франция терма жамоасиними?

Мадриднинг “Реал” клуби ҳужумчиси Килиан Мбаппе ўзи учун яқин келажакдаги  устувор вазифаларни белгилаб олди. GFFN хабарига кўра, 25 ёшли ҳужумчи ўз этиборини Франция терма жамоасига эмас, "қироллик клуби"га қаратмоқчи.

Мбаппе яқин ойлар ичида "Реал"даги ўйинини яхшилаш истагида. Килиан мадридликлар ундан кутаётган ўйинидан ҳам яхшироқ ҳаракат қилмоқчи. Эслатиб ўтамиз, Килиан бош мураббий Дидье Дешам қарори билан Франция терма жамоасининг ноябрь ойидаги йиғинига чақирилмади.

Мбаппе "Реал" сафига шу ёз ПСЖдан кўчиб ўтди. У жорий мавсум Испания чемпионатида жами 11 та ўйин ўтказиб, ўз ҳисобига 6 та гол ва 1 та голли узатма ёздириб қўйишга эришди. "Реал" эса Ла Лига турнир жадвалида "Барселона"дан сўнг иккинчи ўринни эгаллаб турибди.