Мбаппе: "Сен гапирмасанг, одамлар сенинг ўрнинга гапиришади"

"Реал" ҳужумчиси Килиан Мбаппе бошловчи Мулуд Ашур билан Clique шоусида суҳбатлашган. Ушбу дастур Франциянинг Canal+ телеканалида намойиш этилади. 

"Муаммо шундаки, юлдуз сукут сақлаганда, одамлар сенинг ўрнингга гапиришади, чунки улар сен ҳақингда гапириши керак!  

Ҳар куни нимадир содир бўлади, лекин мен ҳеч ким билан гаплашмайман. Шу сабабли, бугун сиз билан суҳбатлашяпман. Бир пайт келиб, ўз фикрингизни билдиришингиз керак бўлади. Одамлар сизни эшитишлари зарур", – деди Мбаппе интервюдан кўрсатилган парчада.