Мбаппе зўрлигини исботлай бошлади
ПСЖ ҳужумчиси Килиан Мбаппе Франция чемпионатининг 11-турида собиқ жамоаси – “Монако” дарвозасига бир жуфт тўп киритиб, парижликлар тўпурарлари рўйхатида бешинчи ўринга кўтарилиб олди.
Мазкур иккита аниқ зарбадан кейин 21 ёшли ҳужумчининг ПСЖдаги голлари сони 99 тага етди.
ПСЖда энг кўп гол урган ҳужумчи Эдинсон Кавани ҳисобланади. Ёзда жамоани тарк этган уругвайлик футболчи рақиблар дарвозасини 200 маротаба аниқ нишонга олган. Кейинги ўринларни Златан Иброҳимович (156), Педру Паулета (109) ва Доминик Рошто (100) эгаллаган.
Килиан Мбаппе камида ёзгача парижликлар шарафини ҳимоя қилишини инобатга олсак, унинг кучли учликка кириш имконияти жуда юқори.
Фикрлар