Мбаппеларнинг кичигига асосий баҳсларда имкон бериладими?

"ПСЖ"нинг ёшлар жамоаси ярим ҳимоячиси Этан Мбаппе акаси Килиан Мбаппе билан Париж клубининг асосий жамоасида машғулот ўтказди.

15 ёшли футболчи 2017 йилда акаси билан биргаликда "ПСЖ"га ўтган эди. У УЕФА ёшлар лигасининг жорий мавсумида бешта ўйинда иккита голли узатмани амалга оширди. Шунингдек, Этан 17 декабрь куни "Париж"га қарши ўртоқлик ўйинида захирадан майдонга тушиб, жамоаси сафида дебют қилган. Учрашув 30 дақиқадан икки бўлим давом этди.

Маълумот учун, 24 ёшли Килиан Мбаппе жорий мавсум француз клуби сафида 32 та ўйинда майдонга тушиб, 29 та гол урди ва 7 та голга ассистентлик қилди.