Мбаппенинг жойи ўзгарди

ПСЖнинг янги бош мураббийи Кристоф Галтье жамоа юлдузи Килиан Мбаппе бўйича алоҳида режаси борлигини маълум қилди.

- Мен Мбаппе майдонда бошқа футболчиларга мослашиб ўйнашини истайман. Килиан ортга қайтиб ўйнашни ва чизиқлар орасида ҳаракат қилишни яхши кўради. Унинг техникаси бунга имкон беради.

Лекин мен Мбаппе кўпроқ рақиб жарима майдончаси ичида бўлишини истайман, - деди Кристоф Галтье.

Мбаппе ёзда парижликлар билан уч йиллик янги шартнома имзолади. ПСЖ раҳбарияти янги таркибни айнан унинг атрофида шакллантирмоқда.