Мбаппенинг ўрнига зўр футболчи келади
ПСЖ раҳбарияти жамоани тарк этадиган Килиан Мбаппе ўрнига А Сериянинг энг зўр тўпурари бўлган Лаутаро Мартинесни олиб келишни режалаштирмоқда.
Calciomercato нашри журналисти Паскаль Гарронинг ёзишича, парижликлар клубга яқин бўлган Италия ва Франция лигаларида трансферлар бўйича мутахассис Марсело Симонян ҳамда аргентиналик футболчининг агенти иштирокида учрашув ташкил қилди.
Лаутаро Мартинес “Интер”да ўзини жуда яхши ҳис қилмоқда. Якунланган мавсумда 24 та голи билан чемпионликка муносиб ҳисса қўшди. Бироқ 26 ёшли форвард талаб қилаётган маош миланликлар бюджетига тўғри келмаяпти.
Шу боис, молиявий имкониятлари барқарор ва катта бўлган ПСЖ якунланган мавсумда А Сериянинг энг яхши футболчиси, деб топилган Лаутаро Мартинес трансферини амалга ошира олишига ишонмоқда.
Фикрлар