Мбапппенинг "Реал"га ўтиши борасида қайноқ янгилик!

Мадриднинг "Реал" клуби ПСЖ ҳужумчиси Килиан Мбаппе ўз сафига қўшиб олишга яқин. Инсайдер Фабрицио Романонинг хабар беришича, "қироллик клуби" ҳозирда Мбаппе бўйича расмий ҳужжатлар имзоланишини кутмоқда.

Мбаппе "Реал"га эркин агент сифатида кўчиб ўтади, чунки унинг Париждаги шартномаси ёзда тугайди. Франциялик форвард 2017/2018 йил Монако"дан трансфер қилинганидан буён ПСЖда ўйнамоқда. 
25 ёшли футболчи жорий мавсумда барча мусобақаларда 45 та ўйинда майдонга тушиб, 43 та гол урди ва 10 та голга ассистентлик қилди. 

Мбаппенинг Мадридга бориши клубдаги баъзи футболчиларнинг кетишига сабаб бўлиши мумкин. Яъни "қаймоқранглилар"нинг севимлисига айланган Винисиус Жуниор ёки Родриго жамоани тарк этиши мумкин.