“Менга шоу керак” — Илия Топурия Жастин Гэтжи билан жангни "портлатмоқчи"

Енгил вазнда амалдаги чемпион Илия Топурия америкалик Жастин Гэтжи билан жанг ҳақида гапирди.

"Агар хоҳласам, Гэтжини партерга ўтказиб, истаган ишимни қилишим мумкин. Бироқ мен томошабинларга шоу кўрсатмоқчиман.

Очиғи, Макс Холлоуэйни ҳам партерга олиб ўтиб, у ерда назорат қилишим ва бўғиб қўйишим мумкин эди, лекин унда томошабоп жанг бўлмасди", - деди "Матадор".

Эслатиб ўтамиз, 14 июнь куни "UFC White House" турнирида Топурия чемпионлик камарини Гэтжига қарши октагонга кўтарилади.