Menga xiyonat qilishdi! Ronaldu Portugaliya terma jamoasiga qaytishni istamayapti

Kriştianu Ronalduni yaqin vaqt ichida Portugaliya terma jamoasiga qaytishni rejalashtirayotgani yo‘q.

Avvalroq «An-Nasr»ning 41 yoshli  hujumchisi UEFA Millatlar ligasida Norvegiyaga qarshi o‘yin (2:1) paytida bosh murabbiy Jorje Jezush uni maydonga tushirmaganidan so‘ng terma jamoa lagerini o‘zboshimchalik bilan tark etgan edi. Shundan keyin Portugaliya futbol federatsiyasi Ronalduni 30 kungа diskvalifikatsiya qildi va 255 yevro jarima soldi. Jazo muddati qoidabuzarlik sodir etilgan kundan hisoblanadi, shu bois Ronaldu birorta rasmiy o‘yinni o‘tkazib yubormaydi.

Shunga qaramay, CNN Portugal jurnalisti Ruy Santushning ta’kidlashicha, Ronalduning navbatdagi terma yig‘inda qatnashishi deyarli imkonsiz: «Ronaldu hozircha o‘zini chaqirishlarini istamaydi», – deydi u.

«Kriştianu hech kim oldida o‘zini qarzdek his qilmayapti. U o‘zini nohaq haqorat qilingan, unga nisbatan adolatsiz munosabatda bo‘lingan, haqiqat to‘liq aytilmagan, o‘zi esa xiyonatga uchragan, deb o‘ylayapti», – deya qo‘shimcha qiladi jurnalist.

Santushning so‘zlariga ko‘ra, hujumchi «amalda terma jamoaga qaytmaslikka qaror qilgan». U «Portugaliya futbol federatsiyasi (FPF) ruhiga ishonmay qo‘ygan» va «borgan sari haqiqat uning tomonida, degan fikrga ko‘proq ishonayotgani» aytilmoqda.

Shu bilan birga, FPF prezidenti Pedru Proensa har kuni Kriştianu bilan muloqot o‘rnatishga urinayotgani, biroq vaziyat hozircha murakkab holatda qolayotgani qayd etilgan.