Месси, Рамос, Агуэро, Погба... 2021 йилда кутилаётган супер трансферлар (ФОТО)

Лионель Месси ва Поль Погба 2021 йилда шартномаси якунига етадиган футболчилар рўйхатида алоҳида кўзга ташланади. Бу мавсум охирида ажойиб трансферлар гувоҳига айланишимиз мумкинлигидан далолат беради.

Месси ёзда "Барселона"ни тарк этишни, Погба пандемия даврида "Реал"га кетишни истаганди, аммо амалдаги шартномалар уларнинг оёғидан “ушлаб қолди”.

Бироқ, Месут Ўзил, Мемфис Депай, Серхио Агуэро каби футболчиларнинг харидорлари кўпайиб бормоқда. Диего Коста АПЛга қайтиши мумкин.

Умуман олганда, ёзги трансферлар мавсумида бир гуруҳ машҳур футболчилар янги жамоага ўтиши кутиляпти. Биз эса, эътиборингизга трансферини кутаётган юлдузлардан тузилган махсус рамзий жамоани ҳавола этамиз.

Top5

Жанлуижи Доннарумма. "Милан" посбони ўспирин пайтида "катта саҳна"га порлаб чиқди ва кўп йиллар давомида Италиянинг энг яхши дарвозабони бўлиб келди. Аммо шартномаси тугашига атиги 1 йил қолганида Европанинг қудратли клубларидан қўнғироқ кутиб ўтиришга мажбур бўлмоқда.

donnarumma-milan-rinnovo-calciomercato

Эрик Гарсия. Унинг қулай позицияси марказий ҳимоядир. "Манчестер Сити" билан ёзда шартномаси якунлангач, у янги битим имзоламаслигини ва катта эҳтимол билан "Барселона"га ўтишини маълум қилди.

eric-garcia-epa04062020

Серхио Рамос. Сўнгги 10 йил ичида “эл капитано” марказий ҳимоянинг энг кучлиларидан бири бўлиб келди. "Реал" сардори Икер Касильяс жамоадан кетганидан сўнг, Серхио сардорлик боғичини қўлига таққанича ҳамон жамоани орқасидан етаклаб келяпти. Клуб юлдузи Криштиану Роналду ҳам кетди ва энди ёши ўтиб қолганига қарамай, ҳамон энг яхши ҳимоячилардан бири бўлиб турган Рамос ҳам “Қироллик клуби” билан хайрлашиши мумкин.

1229451813.0

Жером Боатенг. Статистикага қарасангиз, у ҳақиқий юлдуздек кўринади. Англия кубоги ғолиби, 8 карра Бундеслига чемпиони, 2 марта Чемпионлар лигаси соҳиби ва жаҳон чемпиони унвонига сазовор бўлган ҳимоячининг совринлари кўз-кўз қилишга арзийди.

У бундан кейин ҳам буюк натижаларга эришишига ишонч камроқ, аммо эркин агентга айланадиган футболчининг фаолияти қандай давом этишини кузатамиз.

5h51tdkmpw-880x550_1

Давид Алаба. У чап қанот ҳимоячиси ярим ҳимоя ва мудофаа марказида ҳам ўзини кўрсата олди. У бир неча йиллардан буён "Бавария"нинг асосий футболчиларидан. Гранд жамоалар унинг имзоси учун курашаётгани ажабланарли эмас.

65654465

Поль Погба. Шубҳасиз, у жаҳон чемпионатида ва ўтган мавсумнинг охирида ўзини кўрсатганидек, истеъдодли футболчи.

Аммо у "Манчестер Юнайтед"га 105 миллион еврога ўтганидан бери, бир порлаб, бир сўнмоқда. Барқарорлигини йўқотган. У кетмоқчи эканини очиқ айтяпти.

1195420706

Жоржиньо Вейналдум. “Барса”нишонига тушган футболчи "Ливерпуль" билан биргаликда Европани забт этди ва АПЛда ҳам зафар қучди.

Рональд Куман "Барса"ни қабул қилиб олди. Тиагонинг "Энфилд"га келиши, Вейналдум клубни тарк этишини тахмин қилишга сабаб бўлмоқда - ёзгача кутинг ва у "Камп Ноу"да саф тортиши мумкин.

5c8a39b6465e2_

Месут Ўзил. "Арсенал" германиялик футболчига ҳафтасига 350 минг фунт ёки кунига 50 минг фунт, соатига ҳисоблаганда эса 2083 фунт стерлинг тўлашни тўхтатадиган пайт келди.

Ўзил 2018 йилнинг январида лондонликлар билан шартнома имзолаганди ва шунча пайтдан бери, клуб учун фойдадан кўра, кўпроқ зарар келтирмоқда.

ozil_65

Лионель Месси. Деярли 20 йил ўтиб, Месси "Барселона"дан кетишга қарор қилди. У Каталония раҳбариятига содиқ эканлигини исботлаши учун уларни судга бермай, битим якунигача жамоада қолишига тўғри келди.

Аргентиналик футболчи шартномани узайтириш эҳтимоли жуда паст. Бундан келиб чиқиб, "Манчестер Сити" ва ПСЖ каби жамоалар форвард учун катта таклифлар қилиши аниқ.

2879615-59300308-2560-1440

Серхио Агуэро. Аргентиналик ҳужумчи АПЛнинг энг буюк тўпурарларидан бири ҳисобланади. "Ман Сити"га 2011 йилда келган ва шундан буён 250 дан зиёд турли хил рекордларни қайд этган.

Жорий мавсум 32 ёшли футболчи учун "шаҳарликлар" сафидаги сўнггиси бўлиши мумкин. Агар янги шартнома борасида ҳеч қандай келишув амалга ошмаса, уни бошқа клуб сафида кўрамиз.

sergio-aguero-manchester-city-1603010305-49389

Мемфис Депай. Кўпчилик "Манчестер Юнайтед"даги омадсиз даври орқали эслаб қолган Депай "Лион" сафида ҳамон юқори савияда тўп тепиб келмоқда. У ҳамюрти Вейналдум каби "Барселона"га ўтиши мумкин эди, аммо ёзги трансферлар ойнасида томонлар келишувга эришолмай қолди.

memphis-depay-olympique-lyon-1541084180-18604

Ушбу рамзий жамоага заҳира сифатида Дэнни Роуз, Шкодран Мустафи, Жонни Эванс, Юлиан Дракслер, Аньхел Ди Мария, Лука Модрич, Аркадиуш Милик ва Диего Коста каби футболчиларни олишимиз мумкин. Умуман олганда, бизни келаси ёзда катта ўзгаришлар кутиб турибди.

Фикрлар

Фикр қолдириш учун авторизациядан ўтинг!