Месси асосий мақсади нима эканлигини айтди

Аргентиналик ҳужумчи Лионель Месси футбол тарихидаги ўрни ҳақида ҳеч қачон ўйламаганлигини айтди.

“Мен нимага эришганим ҳақида ҳеч қачон ўйламаганман. Фақат олдинга қарайман ва келажак ҳақида ўйлайман. Менинг мақсадим - фаолиятимни якунлаганимда яхши футболчи сифатида эмас, балки яхши инсон сифатида эслаб қолиш”, - дея Мессининг сўзларини келтиради "BarcaUniversal" нашри.

Эслатиб ўтамиз, аввалроқ Месси Қатарда бўлиб ўтадиган жаҳон чемпионати унинг профессионал фаолиятидаги сўнггиси бўлишини айтди.