Месси “Барса”даги фаолияти бўйича сўнгги қарорини қабул қилади

Лионель Мессининг “Барселона” фаолиятида ҳамон сўроқ остида турибди. Мавсум охирида аргентиналик ҳужумчининг клуб билан ҳамкорлиги поёнига етади. Янги шартнома борасида гап бўлиши мумкин эмас.

Мессини хафа қилган Жозеп Бартомеу клуб президентлигидан истеъфога чиқарилгани ҳам   жамоа сардорининг Каталонияни тарк этиш фикрини ўзгартиргани йўқ.

Фаолиятининг сўнгги босқичини бошдан ўтказаётган Лионель Месси “Барселона” бундан буён улкан ғалабаларни қўлга кирита олишига шубҳа билан қарамоқда. Унинг фикрича, клуб бу таркиб ва трансфер сиёсати билан чемпионлик лойиҳасини амалга ошира олмайди. Мессига эса янги совринлар ва тарихий ғалабалар керак.

Шунинг учун Месси янги президент сайловидан кейин бир қарорга келишини билдирди. Агар янги раҳбар аргентиналик юлдузни жамоа истиқболига ишонтира олса, у ўз жойида қолади. Акс ҳолда, Месси олдида ҳозирнинг ўзида  “Манчестер Сити”, “Интер” ва ПСЖ каби бақувват клублардан зўр  таклифлар бор.