Messi “Barsa”ga o‘tish uchun shart qo‘ydi

PSJ hujumchisi Lionel Messining mavsum oxirida shartnomasi tugaydi. Argentinalik yulduzga ish taklif qilayotgan klublar orasida “Barselona” ham bor.

Messi kataloniyaliklarning taklifini ko‘rib chiqishga rozi bo‘ldi. Oldin Leo buni inkor qilib kelayotgan edi.

Biroq, Lionel “Barselona”ga shart qo‘ydi. Unga ko‘ra, hozirgi bosh murabbiy Xavi Ernandes o‘z ishini davom ettirishi kafolatlansa, tajribali hujumchi ortga qaytish masalasini o‘rganib chiqadi.

Messi oldida PSJ bilan hamkorlikni uzaytirish varianti ham bor.