Месси “Барселона”дан кетадиган бўлса, “МЮ”, “Челси” ва “Манчестер Сити” уни ўз сафига қўшиб олишга тайёр турибди
Ads

Испаниялик футбол эксперти Гильем Балагенинг фикрича агар Месси “Барселона” билан шартномани узайтирмаса, у ҳолда аргентиналик футболчи фаолиятини Англияда давом эттириши мумкин. У бу ҳақда Sky Sports нашрига берган интервьюсида айтиб ўтди:

“Месси “Барселона” билан шартномани узайтиради деб ўйлайман. Аммо, баъзи саволлар борки, улар ҳалигача жавобсиз қолмоқда.

Албатта, жаҳоннинг энг зўр жамоалари бор эътиборини айнан Леога қаратишган. Аввалроқ Гвардиола Месси фаолиятини “Барселона”да якунлашини айтган эди. Бироқ, билишимча "Манчестер Сити",  "Манчестер Юнайтед" ва "Челси" клублари аргентиналик футболчига қуйидаги мазмунда хабарлар юборишган: “Агарда сен “Барселона”ни тарк этишни истасанг, биз сени сотиб олишга доимо тайёрмиз”.

Эслатиб ўтамиз, аввалроқ Миланнинг “Интер” клуби Месси борасида музокараларни бошлагани ҳақида хабар берган эдик.