Месси бир қарорга келгани йўқ

ПСЖ ва Аргентина терма жамоаси ҳужумчиси Лионель Месси журналистлар билан суҳбатда фаолиятини “Ньюэллс Олд Бойз” клубида якунлаш варианти ҳақидаги саволга жавоб берди.

Месси Аргентина футболида ўйнаш унинг болаликдаги орзу бўлганини, лекин ҳозир ҳамма нарса турли омилларга боғлиқлигини айтди.

- Атрофдаги воқеалар шиддатли ва кўплигидан бу борада тайинли бирор нарса деёлмайман. Аргентина футболига кириш ва майдонда ўйнаш, болаликдаги орзум бўлган, - деди Лионель Месси.

Месси футбол сирларини “Ньюэллс Олд Бойз”нинг болалар жамоасида ўргана бошлаган. Кейинчалик Каталонияга келиб, “Барселона”да тарбияланди ва фаолиятининг катта қисмини шу клубда ўтказди.

Месси 2021 йилдан эътиборан ПСЖ футболчиси ҳисобланади.