Месси
Ads

Каталониянинг "Барселона" клуби форварди Лионель Месси кеча "Челси"га (3:0) қарши бўлиб ўтган ЕЧЛ 1/8 финал жавоб баҳсидан сўнг ўз фикрлари билан ўртоқлашди.

“Мен ушбу мусобақадаги 100-голимни урганимдан жудаям хурсандман. Лекин энг муҳим бу кучли жамоага қарши муҳим ғалабани қўлга киритганимиз ва кейинги босқич йўлланмасини қўлга киритганлигимиздир.

Биз  жуда муҳим бўлган тезкор голни уришга муваффақ бўлдик. Бу жуда қийин қарама-қаршилик эди, бироқ биз буни уддалай олдик. Учинчи голни урганимда барчаси ҳал бўлганини сездим.

Барчаси ҳудди ўйлаганимиздек кечганидан хурсандман”, - дейди аргентиналик футболчи.

Эслатиб ўтамиз, ЕЧЛ чорак финалига эртага қуръа ташланади.