Месси икки ишни кўзлади

“Пари Сен-Жермен” ҳужумчиси Лионель Месси янги мавсумда икки мақсад учун курашишини маълум қилди.

Европа матбуоти “Барселона” аргентиналик юлдузни қайтаришга уринишини ёзаётган бир пайтда, Месси мақсадларини ПСЖ билан боғлади.

35 ёшли футболчи ПСЖга ўз тарихида илк бор Европа Чемпионлар лигасида ғолиб чиқишига кўмаклашмоқчи. Бу унинг биринчи мақсади.

Бундан ташқари, Лионель Месси йил охирида Қатарда бўладиган жаҳон чемпионатида Аргентина терма жамоасини бош соврин сари етаклашни ният қилган.

Мессининг парижликлар билан шартномаси 2023 йилнинг ёзигача тузилган.