Месси жаҳон чемпионатидан қуруқ қолишдан қўрқяпти

ПСЖ ва Аргентина терма жамоаси ҳужумчиси Лионель Месси 20 ноябрь-18 декабрь кунлари Қатарда бўладиган жаҳон чемпионатида қатнаша олмай қолишдан чўчимоқда.

- Қатардаги мундиаль аввалгиларидан кескин фарқ қилади, чунки у йилнинг бошқа мавсумида ўтказилмоқда. Ҳозир тобора мусобақагна яқинлашиб бораётганимизда арзимаган нарса ҳам сени мундиалдан ташқарида қолдириши мумкин.

Аввал айтилганидек, Пауло Дибала ва Анхель ди Мариянинг сафдан чиққани ҳеч кимнинг эътиборидан четда қолгани йўқ.

Шахсий томондан бу ҳолат ҳаммани чўчитиб қўйди ва борган  сари қўрқув кучаймоқда. Шунга қарамай, олдиндаги ўйинларда бундай фикр билан майдонга тушиш хато бўлади. Энг асосийси, ўзимизни аввалгидек тутиш. Ўйинда қатнашиш, ҳолатни ушлаб туришнинг энг яхши усули.

Жамоадошларим тузалиб кетишига умид қиламан. Улар ўзини тиклаб олиши учун вақт етарли, - деди Лионель Месси.

35 ёшли Лионель Месси яқинда Қатардаги жаҳон чемпионатининг унинг фаолиятида сўнггиси бўлишини таъкидлаган эди.