Месси катта маррани кўзлади

Лионель Месси ўзи ўйнаётган “Пари Сен-Жермен” жамоасининг жорий мавсумдаги асосий мақсади ҳақида маълум қилди.

- Мақсадимиз ҳаммага аён. ПСЖ анчадан бери Чемпионлар лигасида ғолиб чиқмоқчи. Ўтган йили “Реал”га қарши иккита ажойиб учрашув ўтказдик. Лекин ҳаммасини майда деталлар ҳал қилди, - деди аргентиналик юлдуз.

Месси Чемпионлар лигасида жамоасини жиддий синовлар кутиб турганини ва футболчилар мақсадга эришиш йўлида ҳар қандай тўсиқларни енгиб ўтишга тайёр эканликларини алоҳида таъкидлади.

35 ёшли футболчининг парижликлар билан амалдаги шартномаси мавсум охирида якунланади. Месси фаолияти давомида Чемпионлар лигасида тўрт бор ғолиб чиққан. Бироқ, сўнгги ғалаба 2015 йилда қайд этилган.