Месси Куманнинг қарорига қарши. Лео Депайнинг “Барса”га келишини хоҳламаяпти

Рональд Куман “Барселона”ни қабул қилиб олганидан буён Каталонияга Нидерландия терма жамоасидаги шогирди Мемфис Депайни олиб келишга ҳаракат қилмоқда. Куман “Лион” ҳужумчисига жой очиш мақсадида Мессининг дўсти Луис Суаресга жавоб бериб юборди ва аргентиналик ҳужумчи Лаутаро Мартинес трансферидан воз кечди.

Лионель Месси эса, Депайнинг олиб келинишига қарши. У “Манчестер Юнайтед” таклифини рад этиб, Каталонияда қолишга қарор қилган Усмон Дембелега имконият бериш тарафдори бўлмоқда.

“Барселона” раҳбарияти бош мураббий талабига кўра, Депай билан шахсий шартнома шартларини келишиб бўлган ва Дембелени сотиш орқали келадиган маблағни нидерландиялик ҳужумчи трансферига йўналтирмоқчи.