Месси мақсади йўлида ҳамма нарсага тайёр

Лионель Месси ва Маурисио Почеттино ўртасидаги муносабатлар яхши. 

"L'Équipe" нашрининг ёзишича, Лео Почеттинони кетишига қарши ҳам эмас. У келаси мавсум жамоани ким бошқаришини кутмоқда. Аргентиналик ҳужумчи янги мураббийнинг келиши клубдаги ролига таъсир қиладими ёки йўқлигини билишни истайди. 

Бундан ташқари, Месси "Барселона"дан бошқа клубда ҳам муваффақият қозона олишини исботлаш ниятида. У келаси мавсумда ПСЖ билан Чемпионлар лигасида ғалаба қозониш учун ҳамма нарсага тайёр. 

Жорий мавсумда 34 ёшли футболчи ПСЖ сафида 33 та ўйинда майдонга тушиб, 11 та гол ва 13 та голли узатмани ўз ҳисобига ёзлириб қўйган.