Месси муҳим учрашувда ПСЖга ёрдам беролмаслиги мумкин

ПСЖ ҳужумчиси Лионель Мессининг Франция чемпионати 20-туридан ўрин олган “Лион”га қарши ўйинда иштирок этиши сўроқ остида.

RMC Sport хабарига кўра, 34 ёшли футболчи "Лион"га қарши ўйин олдидан сўнгги машғулотда қатнашмаган. Бунгача аргентиналик юлдуз икки кун давомида якка тартибда шуғулланган эди.

Яқиндагина коронавирусдан соғайиб, Аргентинадан қайтиб келган Месси жорий мавсум ПСЖ сафида 16 та ўйин ўтказиб, 6 та гол урди ва 5 та голли узатмани амалга оширди.

ПСЖнинг “Лион”га қарши баҳси 9 январь куни Тошкент вақти билан соат 00:45да бошланади.