Месси нега йиғлади?

Яқин ўтмишнинг энг зўр ҳужумчиларидан Тьерри Анри Лионель Мессининг “Барселона”дан кетганига муносабат билдирди.

- Лионель “Барселона”ни тарк этаётганида йиғлади. Чунки клубдан кетиш унинг режасида йўқ эди. Агар сен бирор жойдан умуман кетмайман, деб ўйласанг ва кутилмаганда, вазият бошқа томонга ўзгарса, ҳиссиётларни жиловлаб бўлмайди.

Одамлар “Ҳаммаси жойида, Парижда унинг ҳамма нарсаси етарли”, деб ўйлайди. Аслида ундан эмас, - деди Тьерри Анри.

Лионель Месси ПСЖга ўтганидан кейин аввалги самарадорликни қайд эта олмаяпти. Аргентиналик ҳужумчи Франция чемпионатида 17 та ўйинда атиги иккита тўп киритди холос. Унинг амалдаги шартномаси 2023 йилнинг ярмида якунланади.