Месси "Олтин тўп" бўйича ҳеч ким кутмаган қарорга келди

Американинг «Интер Майами» клубида тўп сураётган аргентиналик ҳужумчи Лионель Месси 2026 йилда ўтказиладиган «Олтин тўп» тақдимот маросимига бормайди. Бу ҳақда The Touchline саҳифасига таяниб хабар берди.

Тантанали маросим 26 октябрь куни Лондон шаҳридаги «Палладиум» театрида ўтказилиши режалаштирилган. «Олтин тўп» мукофоти илк бор Буюк Британия пойтахтида топширилади. Журнал France Football томонидан 1956 йилда таъсис этилган ушбу мукофот жорий йилда 70 йиллигини нишонламоқда.

39 ёшли Месси «Олтин тўп» учун кўрсатилган 30 нафар номзод рўйхатига киритилди ва шу тариқа номзодлар орасидаги МЛС лигасининг ягона амалдаги футболчисига айланди.

Эслатиб ўтамиз, аргентиналик юлдуз «Олтин тўп»ни энг кўп қўлга киритган футболчи ҳисобланади. У бу нуфузли совринни саккиз марта қўлга киритган: 2009, 2010, 2011, 2012, 2015, 2019, 2021 ва 2023 йилларда.