Месси қачонгача футбол ўйнашини айтди

Лионель Месси профессионал футболчи сифатида барча нуфузли совринларни қўлга киритиб бўлган.

36 ёшли ўйинчи кейинги бир йил давомида жаҳон чемпиони, Франция чемпиони бўлди ва саккизинчи маротаба “Олтин тўп”га эга чиқди.

Кўпчиликни жаҳон футболи тарихиа энг кўп соврин соҳиби бўлган аргентиналик юлдуз қачонгача тўп тепиши қизиқтиради. Месси мана шу масалага ойдинлик киритди.

- Мен аввал ҳам таъкидлаганман, келажак ҳақида башорат қилмайман. Бугунги кундан роҳат олиб яшайман. Жисмоний ҳолатим ажойиб. Яна қанча тўп тепишимни билмайман.

Мен кучим етмай қолганини сезгунимга қадар майдонда ўйнашни мақсад қилганман, - деди Лионель Месси.

Леонинг “Интер Майами” билан шартномаси 2025 йилнинг ёзигача мўлжалланган.