Месси қайси футболи "Олтин тўп"га лойиқлигини айтди

Аргентина терма жамоаси ва "Интер Майами" сардори Лионель Месси терма жамоадаги шериги Лаутаро Мартинес "Олтин тўп"ни олиши керак, деб ҳисоблайди.

- Мартинес ажойиб мавсум ўтказди. У Америка кубогининг энг яхши тўпурарига айланди ва финалда ғалаба голини киритди. Лаутаро "Олтин тўп"га бошқалардан кўра кўпроқ лойиқ, - дея Мессининг сўзларини келтирди "La Gazzetta dello Sport".

Маълумот учун, Мартинес "Интер" таркибида Италия чемпионлигида ғалаба қозониб, А Серияда мавсумнинг энг яхши тўпурарига айланди.