Месси терма жамоадаги хайрлашув ўйини олдидан баёнот берди

Аргентина терма жамоаси Бенинга қарши майдонга тушади.

Аргентина терма жамоаси ҳужумчиси Лионель Месси миллий жамоа билан хайрлашиш олдидан мухлисларга мурожаат қилди. 

39 ёшли форвард 2005 йилдан бери Аргентина шарафини ҳимоя қилиб келади. У терма жамоа таркибида жаҳон чемпиони бўлди, икки бор Америка кубогини қўлга киритди.

«Энди вақти келди. Мен хотиржам кетяпман, чунки қўлимдан келган барча нарсани бердим. Бу форма кўп йиллар давомида менинг орзум, ифтихорим ва бутун умрим бўлди», — дея таъкидлади Месси adidas Football саҳифасида жойлаштирилган видеомурожаатида.

Лионель Месси Аргентина терма жамоаси сафида турли мусобақаларда жами 207 ўйин ўтказган. У миллий жамоа таркибида 125 та гол урган, 67 бор голли пас берган.