Месси учун муштлашадиган фанатлар гуруҳи пайдо бўлди

Лионель Мессининг АҚШга кўчиб ўтиши Америка футболига ўз таъсирини ўтказа бошлади. Бу минтақа вакиллари футболга янада кучлироқ эътибор қаратмоқда.

Шу билан бирга тартиб-қоидаларга бўйсунмайдиган ашаддий фанатлар Мессига ўз билганларича мухлислик қилмоқда.

Daily Mail нашрининг ёзишича, аргентиналик юлдуз тарафдори Лигалар кубоги доирасида “Даллас”га қарши ўтказилган учрашув чоғида трибунада бошқа мухлислар билан муштлашув уюштирган.

Манбага кўра, жами тўрт киши, улар орасидан бир йигит ва қиз Мессининг футболкасини кийиб олиб, жанжалларда фаол қатнашган. Бунинг оқибатида полиция вакиллари бир кишини ҳибсга олишига тўғри келди.