Месси умумий гуруҳ машғулотларига қўшилди

Каталониянинг “Барселона” клуби форварди Лионель Месси жароҳатидан аста фориғ бўлмоқда.

Marca нашри тарқатган хабарга кўра 32 ёшли аргентиналик футболчи бугундан жамоанинг умумий гуруҳида шуғулланишни бошлаган. Бироқ, унинг Чемпионлар лигаси гуруҳ босқич 1-туридан ўрин олган “Боруссия” Дортмундга қарши ўйинда иштирок этмаслиги ҳақиқатга анча яқин.

Эслатиб ўтамиз, Месси жорий мавсум “Барселона” сафида бирорта ҳам ўйинда иштирок этгани йўқ.