Месси Хавига етиб олди
"Барселона" ҳужумчиси Лионель Месси кеча Ла Лиганинг 27-туридан ўрин олган "Уэска"га қарши ўйинда иштирок этди ва дубль муаллифига айланди.
ESPN тарқатган хабарга кўра, ушбу учрашув 33 ёшли аргентиналик футболчи учун “Барса” сафидаги 767-ўйин бўлди. Шу тариқа, Лео “кўк-анор ранглилар” сафида энг кўп ўйин ўтказган Хавига тенглашиб олди. Мессининг кейинги ўйини уни бу борада мутлақ рекордчига айлантириши мумкин.
Месси "Барселона" клуби тарбияланувчиси ҳисобланади. У асосий жамоада 2004 йилдан буён тўп суриб келмоқда. У ўтган давр мобайнида ўз ҳисобига 659 та гол ва 262 та ассист ёздириб қўйишга эришди.
Фикрлар