Месси яна 2 йил юқори савияда ўйнай олишига ишонмоқда

"Пари Сен-Жермен" юлдузи Лионель Месси ҳали-бери Европа топ-чемпионатларини тарк этмоқчи эмас.

"Mundo Deportivo" нашри тарқатган хабарга кўра, Аргентина миллий терма жамоаси билан Жаҳон чемпионатида зафар қучган футболчи камида яна икки йил юқори савияда ўйнай олишига ишонмоқда.

Ўз навбатида, парижликлар раҳбарияти ҳам ўз етакчисини Францияда олиб қолиш учун унга янгиланган шартнома таклиф этишга тайёр. Томонлар ўртасидаги ҳозирги битим июнь сўнгида ниҳоясига етади.

Турли манбалар Леонинг Парижда қолиши эҳтимоли 90 фоизга тенг дея тахмин қиляпти.