Месси ёки Роналду: Мората ЖЧни қайси футболчи ютишини хоҳлаяпти?

Альваро Мората Месси ҳамда Роналду ҳақида фикр билдирди.

«Месси турнир «олтин бутса»сига даъво қилмоқда. Бу у учун табиий ҳолат. Бизнинг авлоддаги барча футболчилардан Месси ёки Роналду ҳақида сўрашганда, иккисини бирваракайига мақташади.

Бироқ менга ҳали ҳам Неймар жуда ёқади – унинг ўйинига қараб, роҳатланасиз. Футболни севадиган ҳар бир инсон Месси, Криштиану ёки Неймарнинг ўйинларини кўриш учун ўз бизнесидан воз кечиши мумкин.

Шахсан мен Криштиану жаҳон чемпионатида ғолиб чиқса хурсанд бўлардим, чунки у ақл бовар қилмайдиган даражада кучли мартабага эга. Месси ёки Неймар ҳам жаҳон чемпионлигини қўлга киритса, хафа бўлмайман, чунки улар ҳам зўр ўйинчилар. Лекин барчаси Испанияни ғалаба билан табриклашса, нур устига аъло нур бўларди», - деди испаниялик ҳужумчи.