Месси ёқмай қолди

ПСЖ футболчиларига бош мураббийи Кристоф Галтьенинг жамоа юлдузи Лионель Мессига алоҳида эътибор билан муомала қилаётгани ёқмаяпти.

Маълумотларга қараганда, бош мураббий ҳамма футболчиларга бирдек муносабат кўрсатмаётгани ортидан муҳит бузилишига сабабчи бўлмоқда. Ўйинчиларнинг ўз устозларига бўлган ишончи тобора пасайиб бормоқда.

Париж клуби футболчиларининг эътирози бу билан чекланиб қолмайди. Улар Кристоф Галтьенинг тактика танлаш борасида нўноқлиги ва машғулотлар жараёнида интенсивликка амал қилмаётганлигидан норози.

Аслида жамоанинг аввалги мураббийи Маурисио Почеттино ҳам Париждаги фаолияти давомида юлдуз футболчиларни тўлиқ бўйсундира олмаган эди.