Месси ёзда кетади. Леонинг кейинги ва сўнгги жамоаси номи аниқ бўлди
“Интер Майами”да ўйнаётган Лионель Мессининг АҚШ клуби билан шартномаси 2025 йилнинг ёзида якунланади.
El Nacional нашрининг ёзишича, аргентиналик юлдуз клубнинг ҳамкорликни давом эттириш ҳақидаги таклифини қабул қилмади.
Маълумотларга қараганда, Месси шартномаси якунланиши билан эркин агент сифатида Аргентинага қайтадиган бўляпти. “Олтин тўп”нинг саккиз карра соҳиби фаолиятининг якуний босқичини ўзи 1994-2000 йиллар ўйнаган “Ньюэллс Олд Бойз” жамоасида ўтказмоқчи.
Экспертлар Мессининг кейинги шартномаси профессионал фаолиятидаги охиргиси бўлишини таъкидлашмоқда.
37 ёшли Лионель Месси футболчи сифатида ўзи иштирок этган барча нуфузли мусобақаларда ғолиб чиққан.
Фикрлар