Мессига мен устозлик қиламан!

ПСЖ Франция чемпионлигини қўлга киритганига қарамай, клуб раҳбарияти бош мураббий Маурисио Почеттино билан хайрлашмоқчи.

Аргентиналик мураббийнинг ҳам Париж клубида ишлаш нияти йўқ. Куни кеча томонлар учрашув ўтказиб, ҳамкорликни тўхтатиш бўйича бир қарорга келган.

Маълумотларга қараганда, ПСЖни  Антонио Конте бошқариши кутилмоқда. Бу мавсум “Тоттенхэм”да ишлаётган италиялик мураббий ПСЖ хўжайинларига жамоани қабул қилиб олиб, икки йил ишлашга тайёрлигини билдирган.

ПСЖ рўйхатида асосий номзодлардан бири сифатида “Реал”дан кетганидан бери ишсиз юрган Зинедин Зидан қайд этилган.

Ўнинчи бор Франция чемпионлигини қўлга киритган ПСЖ хўжайинлари жамоа Чемпионлар лигасида ғолиб чиқишини талаб қилмоқда. Зидан қисқа фурсат ичида “Реал”ни қиъанинг энг нуфузли турнирида уч маротаба ғолиб чиқишини таъминлади.