Мессининг жароҳати қанчалик жиддий? "Интер Майами" устози жавоб берди

"Интер Майами" бош мураббийи Херардо Мартино ҳужумчи Лионель Мессининг саломатлиги ҳақида гапирди. 

"Лео бироз ноқулайлик сезди. Бироқ у ҳар куни машқ қиляпти. Биз текширувлар ўтказдик ва уларнинг барчаси жуда яхши чиқди. 

Бир ҳафтада учта ўйинимиз бор ва у ҳамон бироз оғриқ сезмоқда. Шу сабабли, унинг бугунги ўйинни ўтказиб юборгани оқилона қарор бўлди, деб ўйлаймиз. 

Биз уни шанба куни майдонга тушишини режалаштирганмиз, аммо вазият кундан-кунга ўзгариб бормоқда. У машғулот ўтказди ва ўзини яхши ҳис қилди. Бироқ биз ҳеч қачон таваккал қилмаймиз", - деди Мартино.