Мессининг кетгани яхши бўлди

Франциялик футбол эксперти Жюльен Лоран ўтган ёз ПСЖ таркибида бўлган ўзгаришлар жамоа учун фойдали бўлганини таъкидлади.

- Жамоада худбинлик камайгани эвазига, муаммолар ҳам озайди. Энди Лионель Месси йўқ, Неймар ва Марко Верратти ҳам йўқ.

Ҳозир жамоа ичида ҳамма бир бири билан тил топишяпти, ҳазил-ҳузул, латифалар бўляпти. Илгари ПСЖда гуруҳбозлик бор эди, ҳозир бунақаси кўзга ташланмаяпти, - деди Жюльен Лоран.

Маълумки, яқингача Париж клубида жанубий америкалик футболчиларнинг таъсири кучли бўлган. Жамоа етакчиси ҳисобланган Килиан Мбаппе ҳам клуб раҳбариятидан бир неча бор бу вазиятга эътибор қаратишни сўраган эди.